ek hamein aawara kahna koi baDa ilzam nahin
duniya wale dil walon ko aur bahut kuchh kahte hain

Habib Jalib

---

---

ek teri yaad se ek tere tasawwur se hamein
aa gae yaad kai nam hasinaon ke

Habib Jalib

---

---

ek umr sunaen to hikayat na ho puri
do rose mein hum par jo yahan bit gai hai

Habib Jalib

---

---

jin ki KHatir shahr bhi chhoDa jin ke liye badnam hue
aaj wahi hum se begane begane se rahte hain

Habib Jalib

---

---

jin ki yaadon se raushan hain meri aankhen
dil kahta hai un ko bhi main yaad aata hun

Habib Jalib

---

---

kuchh aur bhi hain kaam hamein ai gham-e-jaanan
kab tak koi uljhi hui zulfon ko sanware

Habib Jalib

---

---

kuchh log KHayalon se chale jaen to soen
bite hue din raat na yaad aaen to soen

Habib Jalib

---

---