lakh kahte rahen zulmat ko na zulmat likhna
hum ne sikha nahin pyare ba-ijazat likhna

Habib Jalib

---

---

log Darte hain dushmani se teri
hum teri dosti se Darte hain

Habib Jalib

---

---

na teri yaad na duniya ka gham na apna KHayal
ajib surat-e-haalat ho gai pyare

Habib Jalib

---

---

pa sakenge na umr bhar jis ko
justuju aaj bhi usi ki hai

Habib Jalib

---

---

tum se pahle wo jo ek shaKHs yahan taKHt-nashin tha
us ko bhi apne KHuda hone pe itna hi yaqin tha

Habib Jalib

---

---

tumhein to naz bahut doston pe tha 'jalib'
alag-thalag se ho kya baat ho gai pyare

Habib Jalib

---

---

tu aag mein ai aurat zinda bhi jali barson
sanche mein har ek gham ke chup-chap Dhali barson

Habib Jalib

---

---