shama ka shana-e-iqbaal hai taufiq-e-karam
ghuncha gul hote hi KHud sahab-e-zar hota hai

Habeeb Musvi

---

---

talib-e-bosa hun main qasid wo hain KHwahan-e-jaan
ye zara si baat hai milte hi tai ho jaegi

Habeeb Musvi

---

---

tera kucha hai wo ai but ki hazaron zahid
Dal ke subha mein yan rishta-e-zunnar chale

Habeeb Musvi

---

---

tezi-e-baada kuja talKHi-e-guftar kuja
kund hai nashtar-e-saqi se sinan-e-waiz

Habeeb Musvi

---

---

thoDi thoDi rah mein pi lenge gar kam hai to kya
dur hai mai-KHana ye zad-e-safar shishe mein hai

Habeeb Musvi

---

---

tira-baKHti ki bala se yun nikalna chahiye
jis tarah suljha ke zulfon ko alag shana hua

Habeeb Musvi

---

---

ye sabit hai ki mutlaq ka tayyun ho nahin sakta
wo salik hi nahin jo chal ke ta-dair-o-haram Thahre

Habeeb Musvi

---

---