kasi hain bhabtiyan masjid mein rish-e-waiz par
kahin na meri tabiat KHuda gawah ruki

Habeeb Musvi

---

---

KHuda kare kahin mai-KHane ki taraf na muDe
wo mohtasib ki sawari fareb-e-rah ruki

Habeeb Musvi

---

---

kisi surat se hui kam na hamari tashwish
jab baDhi dil se to aafaq mein phaili tashwish

Habeeb Musvi

---

---

kya hua viran kiya gar mohtasib ne mai-kada
jama phir kal sham tak har ek shai ho jaegi

Habeeb Musvi

---

---

lab-e-jaan-baKHsh tak ja kar rahe mahrum bosa se
hum is pani ke pyase the jo taDpata hai sahil pa

Habeeb Musvi

---

---

likh kar muqattaat mein din un ko arziyan
jo daere the kasa-e-dast-e-gada hue

Habeeb Musvi

---

---

mai-kada hai shaiKH sahab ye koi masjid nahin
aap shayad aae hain rindon ke bahkae hue

Habeeb Musvi

---

---