koi jugnu koi tara koi suraj koi chand
aur ajab baat ki mahrum-e-ujala sab hain

Ghufran Amjad

---

---

nawah-e-lafz-o-maani mein gunj hai kis ki
koi batae ye 'amjad' ki hum bataenge

Ghufran Amjad

---

---

aah! kal tak wo nawazish! aaj itni be-ruKHi
kuchh to nisbat chahiye anjam ko aaghaz se

Ghulam Bhik Nairang

---

---

dana-o-dam sambhaala mere sayyaad ne phir
apni gardan hai wahi ishq ka phanda hai wahi

Ghulam Bhik Nairang

---

---

dard ulfat ka na ho to zindagi ka kya maza
aah-o-zari zindagi hai be-qarari zindagi

Ghulam Bhik Nairang

---

---

kahte hain id hai aaj apni bhi id hoti
hum ko agar mayassar jaanan ki did hoti

Ghulam Bhik Nairang

---

---

mahw-e-did-e-chaman-e-shauq hai phir dida-e-shauq
gul-e-shadab wahi bulbul-e-shaida hai wahi

Ghulam Bhik Nairang

---

---