mere pahlu mein tum aao ye kahan mere nasib
ye bhi kya kam hai tasawwur mein to aa jate ho
Ghulam Bhik Nairang
naz ne phir kiya aaghaz wo andaz-e-niyaz
husn-e-jaan-soz ko phir soz ka dawa hai wahi
Ghulam Bhik Nairang
aaj khula dushman ke pichhe dushman the
aur wo lashkar is lashkar ki oT mein tha
Ghulam Husain Sajid
agar hai insan ka muqaddar KHud apni miTTi ka rizq hona
to phir zamin par ye aasman ka wajud kis qahr ke liye hai
Ghulam Husain Sajid
DhunD laya hun KHushi ki chhanw jis ke waste
ek gham se bhi use do-chaar karna hai mujhe
Ghulam Husain Sajid
ek KHwahish hai jo shayad umr bhar puri na ho
ek sapne se hamesha pyar karna hai mujhe
Ghulam Husain Sajid
hum musafir hain gard-e-safar hain magar ai shab-e-hijr hum koi bachche nahin
jo abhi aansuon mein naha kar gae aur abhi muskuraate palaT aaenge
Ghulam Husain Sajid