kabhi mohabbat se baz rahne ka dhyan aae to sochta hun
ye zahr itne dinon se mere wajud mein kaise pal raha hai

Ghulam Husain Sajid

---

---

kisi ki yaad se dil ka andhera aur baDhta hai
ye ghar mere sulagne se munawwar ho nahin sakta

Ghulam Husain Sajid

---

---

kisi ne faqr se apne KHazane bhar liye lekin
kisi ne shahryaron se bhi sim-o-zar nahin pae

Ghulam Husain Sajid

---

---

lauT jaane ki ijazat nahin dunga us ko
koi ab mere taaqub mein agar aata hai

Ghulam Husain Sajid

---

---

main ek muddat se is jahan ka asir hun aur sochta hun
ye KHwab TuTega kis qadam par ye rang chhuTega kab lahu se

Ghulam Husain Sajid

---

---

main hun magar aaj us gali ke sabhi dariche khule hue hain
ki ab main aazad ho chuka hun tamam aaankhon ke daeron se

Ghulam Husain Sajid

---

---

main rizq-e-KHwab ho ke bhi usi KHayal mein raha
wo kaun hai jo zindagi ke imtihan mein nahin

Ghulam Husain Sajid

---

---