محبت کا رستہ عجب گرم تھا
قدم جب دھرا خاک پر جل گیا

میر حسن

---

---

مو سے سپید نے نمک اس میں ملا دیا
کیفیت اب رہی نہیں جام شراب میں

میر حسن

---

---

نہ غرض مجھ کو ہے کافر سے نہ دیں دار سے کام
روز و شب ہے مجھے اس کاکل خم دار سے کام

میر حسن

---

---

نہ لیٹ اس طرح منہ پر زلف کو بکھرا کے اے ظالم
ذرا اٹھ بیٹھ تو اس دم کہ دونوں وقت ملتے ہیں

میر حسن

---

---

ناخن نہ پہنچا آبلۂ دل تلک حسنؔ
ہم مر گئے یہ ہم سے نہ آخر گرہ گئی

میر حسن

---

---

ناقہ سے دور رہ گیا آخر نہ قیس تو
کہتے نہ تھے کہ پاؤں سے مت کھینچ خار کو

میر حسن

---

---

ناصحوں کے ہاتھ سے چھوڑیں گے رہنا شہر کا
دیکھتے ہیں اور دن دو چار اب بنتی نہیں

میر حسن

---

---