saKHt taklif uThai hai tujhe jaanne mein
is liye ab tujhe aaram se pahchante hain

Farhat Ehsas

---

---

sar salamat liye lauT aae gali se us ki
yar ne hum ko koi Dhang ki KHidmat nahin di

Farhat Ehsas

---

---

shusta zaban shagufta bayan honTh gul-fishan
sari hain tujh mein KHubiyan urdu zaban ki

Farhat Ehsas

---

---

tabhi wahin mujhe us ki hansi sunai paDi
main us ki yaad mein palken bhigone wala tha

Farhat Ehsas

---

---

tamam paikar-e-badsurti hai mard ki zat
mujhe yaqin hai KHuda mard ho nahin sakta

Farhat Ehsas

---

---

tamam shahr ki aankhon mein reza reza hun
kisi bhi aankh se uThta nahin mukammal main

Farhat Ehsas

---

---

tere honTon ke sahra mein teri aankhon ke jangal mein
jo ab tak pa chuka hun us ko khona chahta hun main

Farhat Ehsas

---

---