ye dhaDakta hua dil us ke hawale kar dun
ek bhi shaKHs agar shahar mein zinda mil jae

Farhat Ehsas

---

---

ye tera mera jhagDa hai duniya ko bich mein kyun Dalen
ghar ke andar ki baaton par ghairon ko gawah nahin karte

Farhat Ehsas

---

---

aankhon mein base ho tum aankhon mein ayan ho kar
dil hi mein na rah jao aankhon se nihan ho ka

Farhat Kanpuri

---

---

daulat-e-ahd-e-jawani ho gae
chand lamhe jo kahani ho gae

Farhat Kanpuri

---

---

dil ki rahen juda hain duniya se
koi bhi rahbar nahin hota

Farhat Kanpuri

---

---

duniya ne KHub samjha duniya ne KHub parkha
meri nazar ko dekha jab aap ki nazar se

Farhat Kanpuri

---

---

'farhat' tere naghmon ki wo shohrat hai jahan mein
wallah tera rang-e-suKHan yaad rahega

Farhat Kanpuri

---

---