tu faraham na ho mujh ko ye hai marzi teri
tujh ko jab chahun bula lun ye ijazat mujhe de

Farhat Ehsas

---

---

us jagah ja ke wo baiTha hai bhari mahfil mein
ab jahan mere ishaare bhi nahin ja sakte

Farhat Ehsas

---

---

us se milne ke liye jae to kya jae koi
us ne darwaze pe aaina laga rakkha hai

Farhat Ehsas

---

---

use KHabar thi ki hum visal aur hijr ek sath chahte hain
to us ne aadha ujaD rakkha hai aur aadha bana diya hai

Farhat Ehsas

---

---

wo chand kah ke gaya tha ki aaj niklega
to intizar mein baiTha hua hun sham se main

Farhat Ehsas

---

---

wo jo ek shor sa barpa hai amal hai mera
ye jo tanhai barasti hai saza meri hai

Farhat Ehsas

---

---

ye be-kanar badan kaun par kar paya
bahe chale gae sab log is rawani mein

Farhat Ehsas

---

---