nahin khulta ki aaKHir ye tilismati tamasha sa
zamin ke is taraf aur aasman ke us taraf kya hai

Ejaz Gul

---

---

natija ek sa nikla dimagh aur dil ka
ki donon haar gae imtihan mein duniya ke

Ejaz Gul

---

---

paya na kuchh KHala ke siwa aks-e-hairati
guzra tha aar-par hazar aaine ke sath

Ejaz Gul

---

---

qismat ki KHarabi hai ki jata hun ghalat samt
paDta hai bayaban bayaban se aage

Ejaz Gul

---

---

sust-rau musafir ki qismaton pe kya rona
tez chalne wala bhi dasht-e-be-aman mein hai

Ejaz Gul

---

---

uTha rakhi hai kisi ne kaman suraj ki
gira raha hai mere raat din nishane se

Ejaz Gul

---

---

hatheliyon mein lakiron ka jal tha kitna
mere nasib mein mera zawal tha kitna

Ejaz Obaid

---

---