muqayyad ho na jaana zat ke gumbad mein yaro
kisi rauzan kisi darwaza ko wa chhoD dena

Ejaz Obaid

---

---

sahar hote hi koi ho gaya ruKHsat gale mil kar
fasane raat ke kahti rahi TuTi hui chuDi

Ejaz Obaid

---

---

abhi se panw ke chhaale na dekho
abhi yaro safar ki ibtida hai

Ejaz Rahmani

---

---

fitrat ke taqaze kabhi badle nahin jate
KHushbu hai agar wo to bikharna hi paDega

Ejaz Rahmani

---

---

guzar raha hun main sauda-garon ki basti se
badan pe dekhiye kab tak libas rahta hai

Ejaz Rahmani

---

---

jahan pe Dub gaya meri aas ka suraj
usi jagah wo sitara-shanas rahta hai

Ejaz Rahmani

---

---

talab to barsat mein ho jate hain kam-zarf
bahar kabhi aape se samundar nahin hota

Ejaz Rahmani

---

---