wo ek pal ki rifaqat bhi kya rifaqat thi
jo de gai hai mujhe umar bhar ki tanhai

Ejaz Rahmani

---

---

aaj bhi buri kya hai kal bhi ye buri kya thi
is ka nam duniya hai ye badalti rahti hai

Ejaz Siddiqi

---

---

aur zikr kya kije apne dil ki haalat ka
kuchh bigaDti rahti hai kuchh sambhalti rahti hai

Ejaz Siddiqi

---

---

duniya sabab-e-shorish-e-gham puchh rahi hai
ek mohr-e-KHamoshi hai ki honTon pe lagi hai

Ejaz Siddiqi

---

---

aap aae hain haal puchha hai
hum ne aise bhi KHwab dekhe hain

Ejaz Warsi

---

---

ai sang-e-astan mere sajdon ki laj rakh
aaya hun e'tiraf-e-shikast-e-KHudi liye

Ejaz Warsi

---

---

arson mein bhi chhu jae kisi ko to ghanimat
KHushbu-e-wafa yaro baDi sust-qadam hai

Ejaz Warsi

---

---