chaDhte suraj ki mudaraat se pahle 'ejaz'
soch lo kitne charagh us ne bujhae honge

Ejaz Warsi

---

---

darbanon tak ke chehre raunat se masKH hain
dast-e-talab liye hue phir bhi khaDe hain log

Ejaz Warsi

---

---

main us ke aib us ko batata bhi kis tarah
wo shaKHs aaj tak mujhe tanha nahin mila

Ejaz Warsi

---

---

ah-rau bach ke chal daraKHton se
dhup dushman nahin hai sae hain

Ejaz Warsi

---

---

ichhaDne wale ne waqt-e-ruKHsat kuchh is nazar se palaT ke dekha
ki jaise wo bhi ye kah raha ho tum apne ghar ka KHayal rakhna

Ezaz Ahmad Azar

---

---

in ujDi bastiyon ka koi to nishan rahe
chulhe jalen ki ghar hi jalen par dhuan rahe

Ezaz Ahmad Azar

---

---

wo sari KHushiyan jo us ne chahin uTha ke jholi mein apni rakh lin
hamare hisse mein uzr aae jawaz aae usul aae

Ezaz Ahmad Azar

---

---