dar khol ke dekhun zara idrak se bahar
ye shor sa kaisa hai meri KHak se baha

Ejaz Gul

---

---

dhup jawani ka yarana apni jagah
thak jata hai jism to saya mangta hai

Ejaz Gul

---

---

dinon mahinon aankhen roin nai ruton ki KHwahish mein
rut badli to sukhe patte dahlizon mein dar aae

Ejaz Gul

---

---

hairat hai sab talash pe us ki rahe musir
paya gaya suragh na jis be-suragh ka

Ejaz Gul

---

---

har mulaqat ka anjam judai tha agar
phir ye hangama mulaqat se pahle kya tha

Ejaz Gul

---

---

hawa ke khel mein shirkat ke waste mujh ko
KHizan ne shaKH se phenka hai rahguzar ke bich

Ejaz Gul

---

---

ho nahin paya hai samjhauta kabhi donon ke bich
jhuT andar se hai sach bahar se uktaya hua

Ejaz Gul

---

---