manzil na mili to gham nahin hai
apne ko to kho ke pa gaya hun

Ehtisham Husain

---

---

na jaane haar hai ya jit kya hai
ghamon par muskurana aa gaya hai

Ehtisham Husain

---

---

tera hi ho ke jo rah jaun to phir kya hoga
ai junun aur hain duniya mein bahut kaam mujhe

Ehtisham Husain

---

---

wadi-e-shab mein ujalon ka guzar ho kaise
dil jalae raho paigham-e-sahar aane tak

Ehtisham Husain

---

---

yun guzarta hai teri yaad ki wadi mein KHayal
KHarzaron mein koi barhana-pa ho jaise

Ehtisham Husain

---

---

main ek mazdur hun roTi ki KHatir bojh uThata hun
meri qismat hai bar-e-hukmarani pusht par rakhna

Ehtisham ul Haq Siddiqui

---

---

shuur-e-nau-umr hun na mujh ko mata-e-ranj-o-malal dena
ki mujh ko aata nahin ghamon ko KHushi ke sanchon main Dhaal dena

Ehtisham ul Haq Siddiqui

---

---