mere aziz hi mujh ko samajh na pae kabhi
main apna haal kisi ajnabi se kya kahta

Ehtisham Akhtar

---

---

shahr ke andhere ko ek charagh kafi hai
sau charagh jalte hain ek charagh jalne se

Ehtisham Akhtar

---

---

soch un ki kaisi hai kaise hain ye diwane
ek makan ki KHatir jo sau makan jalate hain

Ehtisham Akhtar

---

---

tum jalana mujhe chaho to jala do lekin
naKHl-e-taza jo jalega to dhuan bhi dega

Ehtisham Akhtar

---

---

ujhin shamen to dil jalae hain
yun andheron mein raushni ki hai

Ehtisham Husain

---

---

dil ne chupke se kaha koshish-e-nakaam ke baad
zahr hi dard-e-mohabbat ki dawa ho jaise

Ehtisham Husain

---

---

main samajhta hun mujhe daulat-e-kaunain mili
kaun kahta hai ki wo kar gae badnam mujhe

Ehtisham Husain

---

---