aDi mushkilon se kaTa baDe karb se guzara
tere baad koi lamha jo mila kabhi KHushi ka

Ehsan Darbhangavi

---

---

nazar aati hai sari kaenat-e-mai-kada raushan
ye kis ke saghar-e-rangin se phuTi hai kiran saqi

Ehsan Darbhangavi

---

---

shayad abhi baqi hai kuchh aag mohabbat ki
mazi ki chitaon se uThta hai dhuan 'ehsan'

Ehsan Darbhangavi

---

---

shauq ke mumkinat ko donon hi aazma chuke
tum bhi fareb kha chuke hum bhi fareb kha chuke

Ehsan Darbhangavi

---

---

tum is taraf se guzar chuki ho magar gali gunguna rahi hai
tumhaari pazeb ka wo naghma faza mein ab tak khanak raha hai

Ehsan Darbhangavi

---

---

yaad aai jab mujhe 'farhat' se chhoTi thi bahan
mere dushman ki bahan ne mujh ko rakhi bandh di

Ehsan Saqib

---

---

ahl-e-duniya se mujhe to koi andesha na tha
nam tera kis liye mere labon par jam gaya

Ehteram Islam

---

---