koi dana koi diwana mila
shahar mein har shaKHs begana mila

Chandrabhan Khayal

---

---

kya usi ka nam hai ranai-e-bazm-e-hayat
tang kamra sard bistar aur tanha aadmi

Chandrabhan Khayal

---

---

le gaya wo chhin kar meri jawani
us pe bas yunhi jhapaT kar rah gaya main

Chandrabhan Khayal

---

---

log manzil ki taraf lapke hain lekin
bhiD mein ghaflat bhi shamil ho gai hai

Chandrabhan Khayal

---

---

milta nahin KHud apne qadam ka nishan mujhe
kin marhalon mein chhoD gaya karwan mujhe

Chandrabhan Khayal

---

---

nazar mein shoKH shabihen liye hue hai sahar
abhi na koi idhar se dhuan dhuan guzre

Chandrabhan Khayal

---

---

pas se dekha to jaana kis qadar maghmum hain
an-ginat chehre ki jin ko shadman samjha tha main

Chandrabhan Khayal

---

---