agar talash karun koi mil hi jaega
magar tumhaari tarah kaun mujh ko chahega

Bashir Badr

---

---

ahbab bhi ghairon ki ada sikh gae hain
aate hain magar dil ko dukhane nahin aate

Bashir Badr

---

---

ajab charagh hun din raat jalta rahta hun
main thak gaya hun hawa se kaho bujhae mujhe

Bashir Badr

---

---

ajib raat thi kal tum bhi aa ke lauT gae
jab aa gae the to pal bhar Thahar gae hote

Bashir Badr

---

---

ajib shaKHs hai naraaz ho ke hansta hai
main chahta hun KHafa ho to wo KHafa hi lage

Bashir Badr

---

---

aDe logon se milne mein hamesha fasla rakhna
jahan dariya samundar se mila dariya nahin rahta

Bashir Badr

---

---

ahut ajib hai ye qurbaton ki duri bhi
wo mere sath raha aur mujhe kabhi na mila

Bashir Badr

---

---