ye ehtimam-e-charaghan baja sahi lekin
sahar to ho nahin sakti diye jalane se

Bashar Nawaz

---

---

sham Dhalte hi ye aalam hai to kya jaane bashir
haal apna subh tak be-rabt nabzen kya karen

Basheer Ahmad Basheer

---

---

aankhon mein raha dil mein utar kar nahin dekha
kashti ke musafir ne samundar nahin dekha

Bashir Badr

---

---

aashiqi mein bahut zaruri hai
bewafai kabhi kabhi karna

Bashir Badr

---

---

abhi rah mein kai moD hain koi aaega koi jaega
tumhein jis ne dil se bhula diya use bhulne ki dua karo

Bashir Badr

---

---

achchha tumhaare shahar ka dastur ho gaya
jis ko gale laga liya wo dur ho gaya

Bashir Badr

---

---

agar fursat mile pani ki tahriron ko paDh lena
har ek dariya hazaron sal ka afsana likhta hai

Bashir Badr

---

---