shiw to nahin hum phir bhi hum ne duniya bhar ke zahr piye
itni kaDwahaT hai munh mein kaise miThi baat karen

Aziz Bano Darab Wafa

---

---

sunne wale mera qissa tujhe kya lagta hai
chor darwaza kahani ka khula lagta hai

Aziz Bano Darab Wafa

---

---

tamam umr kisi aur nam se mujh ko
pukarta raha ek ajnabi zaban mein wo

Aziz Bano Darab Wafa

---

---

TaTolta hua kuchh jism o jaan tak pahuncha
wo aadmi jo meri dastan tak pahuncha

Aziz Bano Darab Wafa

---

---

tishnagi meri musallam hai magar jaane kyun
log de dete hain TuTe hue pyale mujh ko

Aziz Bano Darab Wafa

---

---

umr bhar raste ghere rahe us shaKHs ka ghar
umr bhar KHauf ke mare na wo bahar nikla

Aziz Bano Darab Wafa

---

---

us ki har baat samajh kar bhi main anjaan rahi
chandni raat mein DhunDa kiya jugnu wo bhi

Aziz Bano Darab Wafa

---

---