us ne chaha tha ki chhup jae wo apne andar
us ki qismat ki kisi aur ka wo ghar nikla

Aziz Bano Darab Wafa

---

---

wafa ke nam par paira kiye kachche ghaDe le kar
Duboya zindagi ko dastan-dar-dastan hum ne

Aziz Bano Darab Wafa

---

---

waqt hakim hai kisi roz dila hi dega
dil ke sailab-zada shahr pe qabza mujh ko

Aziz Bano Darab Wafa

---

---

waraq ulaT diya karta hai be-KHayali mein
wo shaKHs jab mera chehra kitab hota hai

Aziz Bano Darab Wafa

---

---

wo mera saya mere pichhe laga kar kho gaya
jab kabhi dekha hai us ne bhiD mein shamil mujhe

Aziz Bano Darab Wafa

---

---

wo ye kah kah ke jalata tha hamesha mujh ko
aur DhunDega kahin mere alawa mujh ko

Aziz Bano Darab Wafa

---

---

ye hausla bhi kisi roz kar ke dekhungi
agar main zaKHm hun us ka to bhar ke dekhungi

Aziz Bano Darab Wafa

---

---