ek main ki ek gham ka taqaza na kar saka
ek wo ki us ne mang liye apne KHwab tak

Azhar Naqvi

---

---

jami hai gard aankhon mein kai gumnam barson ki
mere andar na jaane kaun buDha shaKHs rahta hai

Azhar Naqvi

---

---

jis raat khula mujh pe wo mahtab ki surat
wo raat sitaron ki amanat hai sahar tak

Azhar Naqvi

---

---

kal shajar ki guftugu sunte the aur hairat mein the
ab parinde bolte hain aur shajar KHamosh hain

Azhar Naqvi

---

---

KHauf aisa hai ki hum band makanon mein bhi
sone walon ki hifazat ke liye jagte hain

Azhar Naqvi

---

---

KHwab muTThi mein liye phirte hain sahra sahra
hum wahi log hain jo dhup ke par kaTte hain

Azhar Naqvi

---

---

kinaron se juda hota nahin tughyaniyon ka dukh
nai maujon mein rahta hai purane paniyon ka dukh

Azhar Naqvi

---

---