patthar jaisi aankhon mein suraj ke KHwab lagate hain
aur phir hum is KHwab ke har manzar se bahar rahte hain

Azhar Naqvi

---

---

phir ret ke dariya pe koi pyasa musafir
likhta hai wahi ek kahani kai din se

Azhar Naqvi

---

---

aat bhar chand se hoti rahen teri baaten
raat khole hain sitaron ne tere raaz bahut

Azhar Naqvi

---

---

tera hi raqs silsila-e-aks-e-KHwab hai
is ashk-e-nim-shab se shab-e-mahtab tak

Azhar Naqvi

---

---

chaarasazo mera ilaj karo
aaj kuchh dard mein kami si hai

Azhar Nawaz

---

---

jo mera jhuT hai akasr mere andar nikalta hai
jise kam-tar samajhta hun wahi behtar nikalta hai

Azhar Nawaz

---

---

KHubsurat hai sirf bahar se
ye imarat bhi aadmi si hai

Azhar Nawaz

---

---