kisi buzdil ki surat ghar se ye bahar nikalta hai
mera ghussa kisi kamzor ke upar nikalta hai

Azhar Nawaz

---

---

koi kirdar ada karta hai qimat is ki
jab kahani ko naya moD diya jata hai

Azhar Nawaz

---

---

mohtaram kah ke mujhe us ne pasheman kiya
koi pahlu na mila jab meri ruswai ka

Azhar Nawaz

---

---

mujh ko har samt le ke jata hai
ek imkan tere hone ka

Azhar Nawaz

---

---

subut barq ki ghaarat-gari ka kis se mile
ki aashiyan tha jahan ab wahan dhuan bhi nahin

Azhar Saeed

---

---

chaman ujaDne walo tumhein KHuda samjhe
tumhein na aai haya phul to hamare gae

Azim Haidar Syed

---

---

dene wale tu mujhe nind na de KHwab to de
mujh ko mahtab se aage bhi kahin jaana hai

Azim Haidar Syed

---

---