KHayal aata hai akasr utar phenkun badan
ki ye libas meri KHak se ziyaada hai

Azim Haidar Syed

---

---

kis liye KHud ko samajhta hai wo patthar ki lakir
us ka inkar bhi iqrar mein aa sakta hai

Azim Haidar Syed

---

---

libas dekh ke itna hamein gharib na jaan
hamara gham teri imlak se ziyaada hai

Azim Haidar Syed

---

---

sar pe suraj hai to phir chhanw se mahzuz na ho
dhup ka rang bhi diwar mein aa sakta hai

Azim Haidar Syed

---

---

nasha TuTa nahin hai mar kha kar
ki hum ne pi hai kam khai bahut hai

Aziz Ahmad

---

---

andhera itna hai ab shahr ke muhafiz ko
har ek raat koi ghar jalana paDta hai

Aziz Ahmad Khan Shafaq

---

---

ahut dinon se idhar us ko yaad bhi na kiya
bahut dinon se udhar ka KHayal kyun aaya

Aziz Ahmad Khan Shafaq

---

---