ye alag baat ki main nuh nahin tha lekin
main ne kashti ko ghalat samt mein bahne na diya

Azhar Inayati

---

---

ye aur baat ki aandhi hamare bas mein nahin
magar charagh jalana to iKHtiyar mein hai

Azhar Inayati

---

---

ye bhi raha hai kucha-e-jaanan mein apna rang
aahaT hui to chand dariche mein aa gaya

Azhar Inayati

---

---

ye masKHaron ko wazife yunhi nahin milte
rais KHud nahin hanste hansana paDta hai

Azhar Inayati

---

---

ek muddat se hain safar mein hum
ghar mein rah kar bhi jaise beghar se

Azhar Iqbal

---

---

ghuTan si hone lagi us ke pas jate hue
main KHud se ruTh gaya hun use manate hue

Azhar Iqbal

---

---

hai ab bhi bistar-e-jaan par tere badan ki shikan
main KHud hi miTne laga hun use miTate hue

Azhar Iqbal

---

---