sambhal ke chalne ka sara ghurur TuT gaya
ek aisi baat kahi us ne laDkhaDate hue

Azhar Inayati

---

---

shikastagi mein bhi kya shan hai imarat ki
ki dekhne ko ise sar uThana paDta hai

Azhar Inayati

---

---

tariKH bhi hun utne baras ki moarriKHo
chehre pe mere jitne baras ki ye gard hai

Azhar Inayati

---

---

un ke bhi apne KHwab the apni zaruraten
ham-sae ka magar wo gala kaTte rahe

Azhar Inayati

---

---

wo jis ke sehn mein koi gulab khil na saka
tamam shahr ke bachchon se pyar karta tha

Azhar Inayati

---

---

wo taDap jae ishaara koi aisa dena
us ko KHat likhna to mera bhi hawala dena

Azhar Inayati

---

---

wo taza-dam hain nae shoabde dikhate hue
awam thakne lage taliyan bajate hue

Azhar Inayati

---

---