main jise DhunDne nikla tha use pa na saka
ab jidhar ji tera chahe mujhe KHushbu le ja

Azhar Inayati

---

---

meri KHamoshi pe the jo tana-zan
shor mein apne hi bahre ho gae

Azhar Inayati

---

---

mujh ko bhi jagne ki aziyyat se de najat
ai raat ab to ghar ke dar-o-baam so gae

Azhar Inayati

---

---

naqsh miTte hain to aata hai KHayal
ret par hum bhi kahan the pahle

Azhar Inayati

---

---

palaT chalen ki ghalat aa gae hamin shayad
rais logon se milne ke waqt hote hain

Azhar Inayati

---

---

purane ahd mein bhi dushmani thi
magar mahaul zahrila nahin tha

Azhar Inayati

---

---

sab dekh kar guzar gae ek pal mein aur hum
diwar par bane hue manzar mein kho gae

Azhar Inayati

---

---