use bhi jate hue tum ne mujh se chhin liya
tumhaara gham to meri aarzu ka zewar tha

Azad Gulati

---

---

waqt ka ye moD kaisa hai ki tujh se mil ke bhi
tujh ko kho dene ka gham kuchh aur gahra ho gaya

Azad Gulati

---

---

wo waqt aaega jab KHud tumhi ye sochogi
mila na hota agar tujh se main to behtar tha

Azad Gulati

---

---

yaadon ki mahfil mein kho kar
dil apna tanha tanha hai

Azad Gulati

---

---

ye main tha ya mere andar ka KHauf tha jis ne
tamam umar di tanhai ki saza mujh ko

Azad Gulati

---

---

zindagi ai zindagi!! aa do ghaDi mil kar rahen
tujh se mera umr-bhar ka to koi jhagDa na tha

Azad Gulati

---

---

is tarah phunk mera gulistan-e-arzu
phir koi tere baad ise viran na kar sake

Azam Chishti

---

---