jo ho sake to chale aao aaj meri taraf
mile bhi der hui aur ji udas bhi hai

Azeem Murtaza

---

---

KHulus-e-niyat-e-rahbar pe munhasir hai 'azim'
maqam-e-ishq bahut dur bhi hai pas bhi hai

Azeem Murtaza

---

---

kuchh aap ka gham kuchh gham-e-jaan kuchh gham-e-duniya
daman mein mere phul bhi hain KHar bhi KHas bhi

Azeem Murtaza

---

---

kuchh naqsh teri yaad ke baqi hain abhi tak
dil be-sar-o-saman sahi viran to nahin hai

Azeem Murtaza

---

---

kya kya faraghaten thin mayassar hayat ko
wo din bhi the ki tere siwa koi gham na tha

Azeem Murtaza

---

---

tanhai ka sannaTa aur aati jati raaten
teri yaad na aur koi gham phir bhi nind na aae

Azeem Murtaza

---

---

tujh se mil ke bhi tera intizar rahta hai
subh ru-e-KHandan se sham zulf-e-barham tak

Azeem Murtaza

---

---