hum zamin ki taraf jab aae the
aasmanon mein rah gaya tha kuchh

Atiiqullah

---

---

har manzar ke andar bhi ek manzar hai
dekhne wala bhi to ho tayyar mujhe

Atiiqullah

---

---

is gali se us gali tak dauDta rahta hun main
raat utni hi mayassar hai safar utna hi hai

Atiiqullah

---

---

kahan pahunch ke haden sab tamam hoti hain
is aasman se niche utar ke dekha jae

Atiiqullah

---

---

KHwabon ki kirchiyan meri muTThi mein bhar na jae
aainda lamha ab ke bhi yunhi guzar na jae

Atiiqullah

---

---

kis ke pairon ke naqsh hain mujh mein
mere andar ye kaun chalta hai

Atiiqullah

---

---

kisi ek zaKHm ke lab khul gae the
main itni zor se chiKHa nahin tha

Atiiqullah

---

---