KHwabon ki tarah aana KHushbu ki tarah jaana
mumkin hi nahin lagta ai dost tujhe pana

athar shakeel

---

---

aaina aaina tairta koi aks
aur har KHwab mein dusra KHwab hai

Atiiqullah

---

---

abhi to kanTon-bhari jhaDiyon mein aTka hai
kabhi dikhai diya tha hara-bhara wo bhi

Atiiqullah

---

---

apne sukhe hue gul-dan ka gham hai mujh ko
aankh mein ashk ka qatra bhi nahin hai koi

Atiiqullah

---

---

aDi chiz hai ye supurdagi ka mahin pal
na samajh sako to mujhe ganwa ke bhi dekhna

Atiiqullah

---

---

din ke hangame jila dete hain mujh ko warna
subh se pahle kai martaba mar jaata hun

Atiiqullah

---

---

faza mein hath to uTThe the ek sath kai
kisi ke waste koi dua na karta tha

Atiiqullah

---

---