ji na sakun main jis ke baghair
akasr yaad na aaya wo

Athar Nafees

---

---

kabhi saya hai kabhi dhup muqaddar mera
hota rahta hai yun hi qarz barabar mera

Athar Nafees

---

---

KHwabon ke ufuq par tera chehra ho hamesha
aur main usi chehre se nae KHwab sajaun

Athar Nafees

---

---

kisi na-KHwanda buDhe ki tarah KHat us ka paDhta hun
ki sau sau bar ek ek lafz se ungli guzarti hai

Athar Nafees

---

---

lamhon ke azab sah raha hun
main apne wajud ki saza hun

Athar Nafees

---

---

main tere qarib aate aate
kuchh aur bhi dur ho gaya hun

Athar Nafees

---

---

us ne meri nigah ke sare suKHan samajh liye
phir bhi meri nigah mein ek sawal hai naya

Athar Nafees

---

---