tujh se bichhaD ke hum to yahi sochte rahe
ye gardish-e-hayat na aaegi ras kya

Athar Nadir

---

---

tu har ek ka hai aur kisi ka nahin
log kahte rahen hamara chand

Athar Nadir

---

---

wo ishq jis ki zamane ko bhi KHabar na rahi
tere bichhaDne se ruswa nagar nagar mein raha

Athar Nadir

---

---

ye apna apna muqaddar hai is ko kya kahiye
tujhe sarab to dariya bana diya hai mujhe

Athar Nadir

---

---

ye inqilab-e-zamana nahin to phir kya hai
amir-e-shahr jo kal tha wo hai faqiron mein

Athar Nadir

---

---

ai mujh ko fareb dene wale
main tujh pe yaqin kar chuka hun

Athar Nafees

---

---

'athar' tum ne ishq kiya kuchh tum bhi kaho kya haal hua
koi naya ehsas mila ya sab jaisa ahwal hua

Athar Nafees

---

---