jis husn ki hai chashm-e-tamanna ko justuju
wo aaftab mein hai na hai mahtab mein

Asar Sahbai

---

---

sari duniya se be-niyazi hai
wah ai mast-e-naz kya kahna

Asar Sahbai

---

---

sajde ke dagh se na hui aashna jabin
begana-war guzre har ek aastan se hum

Asar Sahbai

---

---

tere shabab ne kiya mujh ko junun se aashna
mere junun ne bhar diye rang teri shabab mein

Asar Sahbai

---

---

tumhaari yaad mein duniya ko hun bhulae hue
tumhaare dard ko sine se hun lagae hue

Asar Sahbai

---

---

ye husn-e-dil-fareb ye aalam shabab ka
goya chhalak raha hai piyala sharab ka

Asar Sahbai

---

---

hum to us pasti-e-ehsas pe jite hain jahan
ye bhi malum nahin jit hai kya mat hai kya

Asghar Abid

---

---