jism paband-e-gul sahi 'abid'
dil magar wahshaton ki basti hai

Asghar Abid

---

---

ujlat ke alaw mein kiye faisle 'abid'
ab soch ki barfani khaDaun pe khaDe hain

Asghar Abid

---

---

aalam-e-rozgar ko aasan bana diya
jo gham hua use gham-e-jaanan bana diya

Asghar Gondvi

---

---

aalam se be-KHabar bhi hun aalam mein bhi hun main
saqi ne is maqam ko aasan bana diya

Asghar Gondvi

---

---

aariz-e-nazuk pe un ke rang sa kuchh aa gaya
in gulon ko chheD kar hum ne gulistan kar diya

Asghar Gondvi

---

---

ai shaiKH wo basit haqiqat hai kufr ki
kuchh qaid-e-rasm ne jise iman bana diya

Asghar Gondvi

---

---

aks kis chiz ka aaina-e-hairat mein nahin
teri surat mein hai kya jo meri surat mein nahin

Asghar Gondvi

---

---