karam par bhi hota hai dhoka sitam ka
yahan tak alam-ashna ho gae hum

Asar Lakhnavi

---

---

kya kya duaen mangte hain sab magar 'asar'
apni yahi dua hai koi muddaa na ho

Asar Lakhnavi

---

---

palken ghaneri gopiyon ki Toh liye hue
radha ke jhankne ka jharoka ghazab ghaza

Asar Lakhnavi

---

---

phirte hue kisi ki nazar dekhte rahe
dil KHun ho raha tha magar dekhte rahe

Asar Lakhnavi

---

---

qasid payam un ka na kuchh der abhi suna
rahne de mahw-e-lazzat-e-zauq-e-KHabar mujhe

Asar Lakhnavi

---

---

sana teri nahin mumkin zaban se
maani dur phirte hain bayan se

Asar Lakhnavi

---

---

tumhaara husn aaraish tumhaari sadgi zewar
tumhein koi zarurat hi nahin banne sanwarne ki

Asar Lakhnavi

---

---