hawa daraKHton se kahti hai dukh ke lahje mein
abhi mujhe kai sahraon se guzarna hai

Asad Badayuni

---

---

hawa ke apne ilaqe hawas ke apne maqam
ye kab kisi ko zafar-yab dekh sakte hain

Asad Badayuni

---

---

jab talak aazad the har ek masafat thi wabaal
jab paDi zanjir pairon mein safar achchhe lage

Asad Badayuni

---

---

jam gai dhul mulaqat ke aainon par
mujh ko us ki na use meri zarurat koi

Asad Badayuni

---

---

jise na meri udasi ka kuchh KHayal aaya
main us ke husn pe ek roz KHak Dal aaya

Asad Badayuni

---

---

jise paDhte to yaad aata tha tera phul sa chehra
hamari sab kitabon mein ek aisa bab rahta tha

Asad Badayuni

---

---

kabhi mauj-e-KHwab mein kho gaya kabhi thak ke ret pe so gaya
yunhi umr sari guzar di faqat aarzu-e-visal mein

Asad Badayuni

---

---