jis qadar nafrat baDhai utni hi qurbat baDhi
ab jo mahfil mein nahin hai wo tumhaare dil mein hai

Arzoo Lakhnavi

---

---

jitne husn-abaad mein pahonche hosh-o-KHirad kho kar pahonche
mal bhi to utne ka nahin ab jitna kuchh mahsul paDa

Arzoo Lakhnavi

---

---

jo dil rakhte hain sine mein wo kafir ho nahin sakte
mohabbat din hoti hai wafa iman hoti hai

Arzoo Lakhnavi

---

---

jo kan laga kar sunte hain kya jaanen rumuz mohabbat ke
ab honT nahin hilne pate aur pahron baaten hoti hain

Arzoo Lakhnavi

---

---

josh-e-junun mein wo tere wahshi ka chiKHna
band apne hath se dar-e-zindan kiye hue

Arzoo Lakhnavi

---

---

kah ke ye aur kuchh kaha na gaya
ki mujhe aap se shikayat hai

Arzoo Lakhnavi

---

---

kam jo Thahre jafa se meri wafa
to ye pasang hai taraazu ka

Arzoo Lakhnavi

---

---