nigah-e-naz ki masumiyat are tauba
jo hum fareb na khate to aur kya karte

Arshi Bhopali

---

---

hamari mahfilon mein be-hijab aane se kya hoga
nahin jab hosh mein hum jalwa farmane se kya hoga

Arshi Rampuri

---

---

aap apne se barhami kaisi
main nahin koi aur hai ye bhi

Arzoo Lakhnavi

---

---

'arzu' jam lo jhijak kaisi
pi lo aur dahshat-e-gunah gai

Arzoo Lakhnavi

---

---

allah allah husn ki ye parda-dari dekhiye
bhed jis ne kholna chaha wo diwana hua

Arzoo Lakhnavi

---

---

apni apni gardish-e-raftar puri kar to len
do sitare phir kisi din ek ja ho jaenge

Arzoo Lakhnavi

---

---

awwal-e-shab wo bazm ki raunaq shama bhi thi parwana bhi
raat ke aaKHir hote hote KHatm tha ye afsana bhi

Arzoo Lakhnavi

---

---