hamein miT ke bhi ye hasrat ki bhaTakte us gali mein
wo hain kaise log ya rab jo qayam chahte hain

Arshad Siddiqui

---

---

ho intizar kisi ka magar meri nazren
na jaane kyun teri aamad ki rah takti hain

Arshad Siddiqui

---

---

ajib chiz hai ye shauq-e-arzu-mandi
hayat miT ke rahi dil KHarab ho ke raha

Arshi Bhopali

---

---

ahut aziz na kyun ho ki dard hai tera
ye dard baDh ke raha iztirab ho ke raha

Arshi Bhopali

---

---

hum to aawara-e-sahra hain hamein kya matlab
un ki mahfil mein junun ki koi tauqir sahi

Arshi Bhopali

---

---

hamein to apni tabahi ki dad bhi na mili
teri nawazish-e-beja ka kya gila karte

Arshi Bhopali

---

---

mauquf fasl-e-gul pe nahin raunaq-e-chaman
nazren jawan hon to KHizan bhi bahaar hai

Arshi Bhopali

---

---