hisar-e-ghair mein rahta hai ye makan-e-wajud
main KHalwaton mein bhi akasr azab dekhta hun

Arshad Mahmood Nashad

---

---

main tere shahr se guzra hun bagule ki tarah
apni duniya mein magan apne KHayalat mein gum

Arshad Mahmood Nashad

---

---

talash-e-la-makan mein uD raha hun
magar mujh se makan lipTa hua hai

Arshad Mahmood Nashad

---

---

ghurub-e-sham to din bhar ke fasle par hai
kiran tulu ki utri hai jagmagati phire

Arshad Malik

---

---

main wusaton se bichhaD ke tanha na ji sakunga
mujhe na roko mujhe samundar bula raha hai

Arshad Nayeem

---

---

sham Dhalte hi dil ke aangan se
dard ka karwan guzarta hai

Arshad Nayeem

---

---

faza hai tera o tarik aur us ka KHayal
na jaane kaun si duniya mein ja ke soya hai

Arshad Siddiqui

---

---