kabhi un ka nahin aana KHabar ke zail mein tha
magar ab un ka aana hi tamasha ho gaya hai

Arshad Kamal

---

---

KHak-e-sahra to bahut dur hai ai wahshat-e-dil
kyun na zehnon pe jami gard uDa di jae

Arshad Kamal

---

---

mujh ko talash karte ho auron ke darmiyan
hairan ho raha hun tumhaare guman pa

Arshad Kamal

---

---

wo aae to laga gham ka mudawa ho gaya hai
magar ye kya ki gham kuchh aur gahra ho gaya hai

Arshad Kamal

---

---

wo zamane ka taghayyur ho ki mausam ka mizaj
be-zarar donon hain nairangi-e-adam ke siwa

Arshad Kamal

---

---

ye mana sail-e-ashk-e-gham nahin kuchh kam magar 'arshad'
zara utra nahin dariya ki banjar jag uThta hai

Arshad Kamal

---

---

ajab kashish hai tere hone ya na hone mein
guman ne mujh ko haqiqat se bandh rakkha hai

Arshad Lateef

---

---