hum ne chaha tha teri chaal chalen
hae hum apni chaal se bhi gae

Arsh Siddiqui

---

---

ek teri be-ruKHi se zamana KHafa hua
ai sang-dil tujhe bhi KHabar hai ki kya hua

Arsh Siddiqui

---

---

main pairwi-e-ahl-e-siyasat nahin karta
ek rasta in sab se juda chahiye mujh ko

Arsh Siddiqui

---

---

uThti to hai sau bar pe mujh tak nahin aati
is shahr mein chalti hai hawa sahmi hui si

Arsh Siddiqui

---

---

wo ayaadat ko to aaya tha magar jate hue
apni taswiren bhi kamre se uTha kar le gaya

Arsh Siddiqui

---

---

zamane bhar ne kaha 'arsh' jo, KHushi se saha
par ek lafz jo us ne kaha saha na gaya

Arsh Siddiqui

---

---

dil ko malum hai kya baat batani hai use
us se kya baat chhupani hai zaban jaanti hai

Arshad Abdul Hamid

---

---