us ke baghair zindagi kitni fuzul hai
taswir us ki dil se juda kar ke dekhte

Anwar Sadeed

---

---

yun tasalli ko to ek yaad bhi kafi thi magar
dil ko taskin tere lauT ke aane se mili

Anwar Sadeed

---

---

zamin ka rizq hun lekin nazar falak par hai
kaho falak se mere raste se haT jae

Anwar Sadeed

---

---

jab fasl-e-bahaaran aati hai shadab gulistan hote hain
takmil-e-junun bhi hoti hai aur chaak gareban hote hain

Anwar Saharanpuri

---

---

jalwa-e-yar dekh kar tur pe ghash hue kalim
aql-o-KHirad ka kaam kya mahfil-e-husn-o-naz mein

Anwar Saharanpuri

---

---

muqaddar se mere donon ke donon bewafa nikle
na umr-e-bewafa palTi na phir ja kar shabab aaya

Anwar Saharanpuri

---

---

nichi nazron se kar diya ghayal
ab ye samjhe ki ye haya kya hai

Anwar Saharanpuri

---

---