hain pattharon ki zad pe tumhaari gali mein hum
kya aae the yahan isi barsat ke liye

Anwar Shuoor

---

---

hum bulate wo tashrif late rahe
KHwab mein ye karamat hoti rahi

Anwar Shuoor

---

---

hamesha hat mein rahte hain phul un ke liye
kisi ko bhej ke mangwane thoDi hote hain

Anwar Shuoor

---

---

ho gae din jinhen bhulae hue
aaj kal hain wo yaad aae hue

Anwar Shuoor

---

---

is talluq mein nahin mumkin talaq
ye mohabbat hai koi shadi nahin

Anwar Shuoor

---

---

ishq to har shaKHs karta hai 'shuur'
tum ne apna haal ye kya kar liya

Anwar Shuoor

---

---

ittifaq apni jagah KHush-qismati apni jagah
KHud banata hai jahan mein aadmi apni jagah

Anwar Shuoor

---

---