shayad niyaz-mand ko hasil niyaz ho
hasrat se tak raha hun teri rahguzar ko main

Anwar Saharanpuri

---

---

wo taza dastan hun marne ke baad un ko
aaega yaad mera afsana zindagi ka

Anwar Saharanpuri

---

---

aadmi ban ke mera aadamiyon mein rahna
ek alag waza hai darweshi o sultani se

Anwar Shuoor

---

---

aadmi ke liye rona hai baDi baat 'shuur'
hans to sakte hain sab insan hansi mein kya hai

Anwar Shuoor

---

---

achchha KHasa baiThe baiThe gum ho jata hun
ab main aksar main nahin rahta tum ho jata hun

Anwar Shuoor

---

---

achchhon ko to sab hi chahte hain
hai koi ki main bahut bura hun

Anwar Shuoor

---

---

ahrup nahin bhara hai main ne
jaisa bhi hun samne khaDa hun

Anwar Shuoor

---

---